Әfqanıstanda mәbәdә hücum olub

Əfqanıstanın paytaxtı Kabildəki mәbәdә silahlı hücum tәşkil edilib.

Bu barәdә Taliban administrasiyasının Daxili İşlər Nazirliyi mәlumat yayıb. Mәlumatda hücumun Kabilin Karte-i Pervan bölgəsindəki mәbәdә tәşkil edildiyi vurğulanıb.

Açıqlamada qeyd olunub ki, məbədə daxil olan təcavüzkarların zərərsizləşdirilməsi ilә әlaqәdar hәyata keçirilәn әmәliyyat başa çatıb.

Şahidlərin sözlərinə görə, hücum  məbəddə keçirilən dini mərasim zamanı baş verib.

Mәlumatda hücum nәticәsindә 2 nәfәrin öldüyü, 7 nәfәrin dә yaralandığı bildirilib.

Taliban qüvvələri məbədə gedən bütün küçələri nəqliyyatın hərəkəti üçün bağlamışdı.

Qeyd edәk ki, mәbәdә hücum edәn tәcavüzkarlar zәrәrsizlәşdirilib.

Xatırladaq ki, 2020-ci ilin mart ayında Kabildәki mәbәdlәrin birinә terror tәşkilatı DEAŞ tәrәfindәn tәşkil edilәn hücum nәticәsindә 25 nәfәr hәyatını itirmişdi.