Braziliyada daşqın və torpaq sürüşmələri nəticəsində ölənlərin sayı xeyli artıb
Braziliyanın Pernambuko əyalətinin fərqli bölgələrində güclü yağışların səbəb olduğu daşqınlar və torpaq sürüşmələri nəticəsində həyatını itirənlərin sayı 100-ə yüksəlib.
1835808
TRT xəbər verir ki, Pernambuco Sosial Müdafiə Katibliyindən bu barədə məlumat yayılıb. Bildirilib ki, mayın 25-dən bu yana bölgədə davam edən leysan yağışların səbəb olduğu təbii fəlakətlər nəticəsində 100 nəfər həyatını itirib, Vila dos Milaqres, Jardim Monteverde, Curado IV, Areeiro, Jaboatao Centro və Paratibe bölgələrində 16 nəfər itkin düşüb, 6200 nəfər evini tərk etmək məcburiyyətində qalıb. 24 şəhərdə fövqəladə vəziyyət elan edilib. Ərazilərdə başladılan axtarış-xilasetmə işləri davam edir.
