İsveç NATO danışıqları üçün Türkiyəyə nümayəndə heyəti göndərəcək

İsveç hökuməti NATO-ya üzvlük məsələsini müzakirə etmək üçün Türkiyəyə diplomatlardan ibarət nümayəndə heyəti göndərmək qərarına gəlib.
İsveçin xarici işlər naziri Ann Linde nümayəndə heyətinin Türkiyəyə səfərini təsdiqləyib və hakim Sosial Demokrat Partiyasının ölkənin NATO-ya üzvlük üçün müraciət etmək qərarını qiymətləndirmək üçün çox yaxın vaxtlarda Ankaraya nümayəndə heyətinin göndəriləcəyini bildirib.

İsveçin NATO-ya üzvlük müraciətinə Rusiyanın reaksiyasını qiymətləndirən Linde “Rusiya hava məkanımızı pozdu, nasist olduğumuza dair dezinformasiya kampaniyaları apardılar. Kiberhücumlar artırılacaq və sərhədimizdə hərəkət olacaq" deyib.

Qeyd edək ki, Sosial Demokrat Partiyası administrasiyasının dünənki iclasında NATO-ya üzv olmaq üçün müraciət etmək qərara alınıb. Bu qərarla parlamentdəki sağçı partiyaların dəstəyi ilə İsveçin NATO-ya üzvlük müraciəti qəti sayılır.

Digər tərəfdən, Almaniyanın paytaxtı Berlində keçirilən NATO Xarici İşlər Nazirlərinin Qeyri-rəsmi Toplantısında Linde ilə görüşən xarici işlər naziri Mövlud Çavuşoğlu İsveç və Finlandiyanın terror təşkilatı PKK/YPG-ni açıq şəkildə dəstəklədiyini vurğulayaraq, “Bu da xalqımızın  bütün duyğularına mənfi təsir göstərir. Gözümün önündə bütün xəbərdarlıqlarımıza baxmayaraq. Müttəfiq olacaq bir ölkə hər gün bizə hücum edən, əsgərimizi, polisimizi və mülki vətəndaşlarımızı şəhid edən terror təşkilatı PKK/YPG-yə dəstək verməməlidir" deyib.