NATO-dan İsveç və Finlandiyaya üzvlüyə keçid dövrü üçün təhlükəsizlik zəmanəti

NATO baş katibi Yens Stoltenberq Avropa Parlamentinin Prezidenti ilə birgə keçirdiyi mətbuat konfransında: “NATO-ya üzvlüklə bağlı müraciət qərarını Finlandiya və İsveç hər biri özü verəcək və əgər onlar qərar versə ki, üzvlük üçün müraciət edirlər o zaman NATO bu ölkələrə qucaq açacaq”.

Stoltenberq bildirb ki bu iki ölkə NATO-nun ən yaxın tərəfdaşlarıdır. “Bu ölkələrin güclü demokratik institutları var, Avropa İttifaqının üzvləridir. Bu ölkələrlə bizim illər boyu səmərəli əməkdaşlığımız olub və davam edir. Biz bilirik ki, Finlandiya və İsveçin hərbi qüvvələri NATO standartlarına uyğundur, bizim bu ölkələrlə birgə təlimlərimiz keçirilib, müxtəlif missiya və əməliyyatlarda birgə iştirak etmişik. Əgər onlar üzvlük üçün müraciət etsə bunu NATO xoş qarşılayacaq və mən ümid edirəm ki, üzvlüyə qəbulla bağlı proses də sürətlə reallaşacaq və formal proses tamalandıqdan sonra onlar NATO-nun üzvü olacaqlar”, hərbi alyansın baş katibi bildirib.

Üzvlüyə qəbul olunma ilə bağlı proses müddətində NATO-nun İsveç və Finlandiyaya necə bir təhlükəsizlik zəmanəti verəcəyi ilə bağlı sualı cavablandıran Stoltenberq deyib ki, NATO bu ölkələri qəbul etməyə hazır olduğunu bəyan edərək güclü siyasi mesaj verir. “Bu o deməkdir ki, Finlandiya və İsveçin təhülkəsizliyi NATO müttəfiqləri üçün əhəmiyyətlidir və məna kəsb edir. Və mən əminəm ki, əgər bu proses başlayarsa, üzvlüklə bağlı 30 ölkənin parlamentlərinin bu müraciətlə bağlı sənədləri ratifikasiya edəcəyi müddətə qədər, yəni keçid dönəmində bu iki ölkənin təhlükəsizliyinin təminatı ilə bağlı müəyyən mexanizm barədə razılaşma əldə oluna bilər”, Stoltenberq əlavə edib.