CAR-da sel 300-ə yaxın can aldı
Cənubi Afrika Respublikasının prezidenti Siril Ramafosa aprelin 13-də yüksək səviyyəli hökumət rəsmiləri ilə birlikdə təbii fəlakətdən zərər çəkmiş bölgələrə gedib
Cənubi Afrika Respublikasının şərqindəki KvaZulu-Natal (KwaZulu-Natal) əyalətində baş verən sel fəlakəti nəticəsində həyatını itirənlərin sayı 253-ə yüksəlib.
Ölkənin ən böyük şəhərlərindən biri olan Durban və ətrafına yağan leysan yağışlar daşqınlara səbəb olub.
KvaZulu-Natal Dövlət Kooperativ İdarəetmə və Ənənəvi Məsələlər İcraiyyə Şurasının üzvü Sipho Hlomuka, xüsusilə Durban şəhərinə təsir edən daşqın fəlakətində indiyədək 253 nəfərin öldüyünü bildirib.
Cənubi Afrika Metallurgiya Xidmətinin məlumatına görə, son 24 saat ərzində Durban şəhəri ətrafında hər kvadratmetrə düşən yağıntının miqdarı 300 millimetrə çatıb.
Durban meri Mxolisi Kaunda bildirib ki, xilasetmə qrupları və yanğınsöndürmə briqadası ərazidə sıxışıb qalan insanları qurtarmaq üçün fasiləsiz çalışır.
KvaZulu Natal əyalət hökuməti xalqı yüksək yerlərdə sığınacaq axtarmağa çağırıb.
Bu arada Cənubi Afrika Respublikasının prezidenti Siril Ramafosa aprelin 13-də yüksək səviyyəli hökumət rəsmiləri ilə birlikdə təbii fəlakətdən zərər çəkmiş bölgələrə gedib və hökumətin daşqınlardan zərər çəkmiş ailələrə yardım edəcəyini bildirib.
Әlaqәli Xәbәrlәr
Dünyanın ən böyük hava limanı tikilir
Bunu Dubay Əmiri, BƏƏ-nin baş naziri Şeyx Məhəmməd ibn Rəşid əl-Məktum deyib
“Gözəgörünməz köpəkbalığı” sualtı qayığı
Avstraliya artıq gələcəyin sualtı qayığına çevrilə biləcək qeyri-adi modelin prototipini işə salıb