Ceyk Sallivan: "Rusiyanın Ukrayna sərhədinə qoşun toplaması ilə bağlı narahatıq"

Amerika Birləşmiş Ştatlarının (ABŞ) milli təhlükəsizlik üzrə müşaviri Ceyk Sallivan Rusiya Prezidenti Vladimir Putinin xarici siyasət üzrə müşaviri Yuri Uşakova Rusiyanın Ukrayna sərhədinə qoşun toplaması ilə bağlı narahatlığını çatdırıb.

Ağ Ev Milli Təhlükəsizlik Şurasının sözçüsü Emily Hornenin yaydığı bəyanata görə, Sallivan və Uşakov arasında telefon danışığı olub.

ABŞ Prezidenti Co Baydenlə Rusiya Prezidenti Putin arasında dekabrın 7-də keçirilən görüşün davamı olaraq baş tutan telefon danışığında Sallivan ABŞ-ın Rusiyanın Ukrayna sərhədində qoşun toplaması ilə bağlı ciddi narahatlığını çatdırıb.

Sallivan ABŞ-ın təhlükəsizlik və strateji məsələlərini diplomatiya yolu ilə həll etməyə səy göstərdiyi avropalı tərəfdaşları ilə yaxın olaraq işləməyə davam edəcəyini vurğulayaraq, ABŞ Dövlət katibinin 16 dekabrda koordinasiyalı yanaşma inkişaf etdirilməsi üçün Belçikanın paytaxtı həmçinin NATO müttəfiqləri ilə görüşəcəyini söyləyib.