Almaniya hökumət rəhbərliyi Leypsiqdəki Eyüp Sultan Məscidinə hücumu pisləyib
Almaniyanın Saksoniya əyalətinin Baş naziri Mixael Kretşmer ötən gün hücum təşkil edilən Diyanət İşləri Türk-İslam Birliyinin (DİTİB) Leypsiqdəki Eyüp Sultan Məscidini ziyarət edib.
Mixael Kretçmer DİTİB Leypsiq Eyüp Sultan Məscidi Dərnəyinin sədri Ömər Mumcu ilə bir araya gəlib və hücuma görə təəssüfləndiyini bildirib. Hadisəni eşidəndə çox pis olduğunu, müvafiq orqanlara hadisənin araşdırılması və aydınlaşdırılması üçün dərhal tapşırıqlar verdiyini bildirib. Məscidə edilən hücumu qətiyyətlə pisləyirəm deyən Mixael Kretçmer belə kədərli hadisələrin baş verməməsi üçün hər cür tədbirin görüləcəyini sözlərinə əlavə edib.
Ömər Mumcu da öz növbəsində deyib:” Ziyarətinizə görə xoşbəxtik. Bu cür hücumlarla tez-tez qarşılaşırıq. Məscidimizə maddi ziyan dəysə də can itkisinin olmaması ən böyük təsəllimiz olub. Bundan sonra həm polis, həm də alman dostlarımızla daha sıx əməkdaşlıq etməliyik”.
Berlin Dini Xidmətlər Attaşesi Əmrə Şimşək də Saksoniya əyalətinin Baş naziri Mixael Kretçmerə göstərdiyi həssaslığa görə təşəkkürünü bildirib.
Qeyd edək ki, Almaniya hökumətinin sözçüsü Steffen Hebestreit da hökumət adından açıqlamasında məscidə edilən hücumu qınayıb.
Әlaqәli Xәbәrlәr
Entoni Blinken Çinə etdiyi səfəri qiymətləndirib
Entoni Blinken CNN International-a verdiyi müsahibə zamanı Çinə etdiyi səfəri qiymətləndirib.