İndoneziyanın şərqində zəlzələ baş verib

Ölkənin Flores adası bölgəsi yaxınlığında yerli vaxtla saat 11.20-də, 18,5 kilometr dərinlikdə baş verən zəlzələdən sonra sunami xəbərdarlığı edilib.

İndoneziya Milli Fəlakətlərin Azaldılması Agentliyinin sözçüsü Əbdül Muhari zəlzələnin bölgədə güclü hiss edildiyini bildirsə də  dağıntı  və   insan  tələfatının   olub-olmadığına   dair   məlumat  verməyib. 

Xatırladılır ki, Yanvar ayında İndoneziyanın Qərbi Sulavesi bölgəsində baş vermiş 6,2 bal gücündə zəlzələ nəticəsində 100-dən çox insan həyatını itirdi.