Yaponiya və Rusiya sülh danışığına dair müzakirələrə başlamaq qərarına gəliblər
Yaponiyanın xarici işlər naziri Hayaşi Yosimasa ilə Rusiyanın xarici işlər naziri Sergey Lavrov arasında telefon danışığı olub.
Yaponiyanın xarici işlər naziri Hayaşi Yosimasa ilə Rusiyanın xarici işlər naziri Sergey Lavrov arasında telefon danışığı olub.
Bununla bağlı məlumatı Yaponiya Xarici İşlər Nazirliyi yayıb.
Bildirilib ki, nazirlər 40 dəqiqəlik telefon danışığında İkinci Dünya müharibəsindən sonra sülh müqaviləsi ilə bağlı müzakirələri davam etdirməyi razılaşdırıblar.
Hayaşi Yosimasa iki ölkə arasında siyasi, iqtisadi və mədəni əlaqələrin qarşılıqlı fayda verəcəyinə ümid etdiyini bildirib. Məlumata əsasən, nazirlər Ukrayna və Belarusdakı son vəziyyəti müzakirə ediblər.
Yapon nazir ölkəsinin Ukrayna ve Belarusda son dövrdə artan gərginliyə dair narahatlığını da rusiyalı həmkarına çatdırıb.
Yaponiya tərəfi iddia edir ki, İkinci Dünya müharibəsinin sonunda keçmiş SSRİ Sakit okean ilə Oxot dənizini bir-birindən ayıran və Kuril adalarına uzanan təxminən 1 300 km boyunca bir ərazini 1945-ci ildə ilhaq edib.
Moskva rəsmi Tokionun bu iddialarını rədd edərək, həmin torpaqların Rusiyaya məxsus olduğunu bildirir.
Әlaqәli Xәbәrlәr
Entoni Blinken Çinə etdiyi səfəri qiymətləndirib
Entoni Blinken CNN International-a verdiyi müsahibə zamanı Çinə etdiyi səfəri qiymətləndirib.