Əbu-Dabi vəliəhdi Şeyx Məhəmməd bin Zayed əl-Nəhyan Ərdoğana təşəkkür edib

Əbu-Dabi vəliəhdi Şeyx Məhəmməd bin Zayed əl-Nəhyan noyabrın 24-də paytaxt Ankaraya səfərindən sonra Prezident Rəcəb Tayyib Ərdoğana teleqram ünvanlayaraq təşəkkür edib.
Şahzadə Məhəmməd bin Zayed səmimi qarşılama və qonaqpərvərliyə görə Ərdoğana təşəkkür edib və deyib ki, bu səfər bizə iki ölkə arasında münasibətlərin ümumi maraqlara xidmət edəcək, iki dost xalqa fayda verəcək və qarşıya qoyulmuş vəzifələri yerinə yetirəcək şəkildə gücləndirilməsi yollarını müzakirə etmək imkanı verib.

Şahzadə Məhəmməd bin Zayed Ərdoğana cansağlığı və xoşbəxtlik arzulayıb, türk xalqına təhlükəsizlik, sabitlik və davamlı firavanlıq diləyib.

Digər tərəfdən, Birləşmiş Ərəb Əmirliklərinin (BƏƏ) rəsmi agentliyi "WAM" Şahzadə bin Zayedin Türkiyə səfəri ilə bağlı bəyanatı yayılıb. 

Buna görə, Məhəmməd bin Zayed paytaxt Ankarada Prezident Ərdoğanla görüşdüyünü ifadə edərək, "İqtisadi əlaqələrimizi gücləndirmək imkanlarına diqqət çəkən məhsuldar görüşlər keçirdik" deyib.

Əməkdaşlıq üçün yeni və perspektivli üfüqlər açmağa ümid etdiklərini bildirən Məhəmməd bin Zayed, iki ölkəyə fayda verəcək qarşılıqlı maraqları, inkişaf və rifah gözləntilərini reallaşdıracaq şəkildə birlikdə işləmək istədiklərini qeyd edib.