BMT: “Yəmənə hümanitar yardım çatdırmaqda çətinlik çəkilir”
2021-ci ilin 7 ayında Yəmən xalqına humanitar yardım üçün zərurət duyulan maliyyələşmənin yarısı belə təmin edilə bilməyib.
Birləşmiş Millətlər Təşkilatının (BMT) Yəməndəki Humanitar Koordinasiya Bürosu 19 Avqust Dünya Humanitar Yardım Günü münasibətilə yazılı açıqlama yayıb. Şərhdə qeyd edilib ki, “2021 -ci ildə BMT, Yəməndə 16 milyon insanı xilas etmək məqsədi ilə hazırlanan yardım planı üçün zərurət olan 3,8 milyard dolların 50%-ni belə toplaya bilməyib. Bu il Yəməndə 20 milyondan çox insanın humanitar yardıma möhtac olduğuna diqqət çəkilən açıqlamada, ölkədəki qarşıdurmalar və təbii fəlakətlər səbibi ilə humanitar yardım təşkilatların fəaliyyətlərinin ləngidiyi, bu səbəbdən də təxminən 5 milyon möhtaç insanın siyahıya salına bilmədiyi vurğulanıb.
Qeyd edək ki, uzun müddətdir siyasi qeyri-sabitliyin hökm sürdüyü Yəməndə, İranın dəstəklədiyi husilər 2014-cü ilin sentyabr ayından etibarən paytaxt Səna və bəzi bölgələri nəzarətdə saxlayırlar. Səudiyyə Ərəbistanının başçılıq etdiyi koalisiya qüvvələri 2015 -ci ilin mart ayından bəri husilərə qarşı Yəmən hökumətini dəstəkləyir.
BMT-nin hesabatına görə ən böyük humanitar böhran ilə sarsılan Yəməndə əhalinin 80 faizi humanitar yardıma möhtacdır.
Әlaqәli Xәbәrlәr
Şimali Koreya şimal sərhədi yolunu minaladı
Bu barədə "Yonhap" agentliyi Cənubi Koreya ordusu məlumat yayıb