Co Bayden ABŞ qoşunlarının Әfqanıstanı nә zaman tәrk edәcәyini açıqlayıb

Amerika Birlәşmiş Ştatlarının prezidenti Co Bayden Әfqanıstandan sentyabrın 11-dәk çıxma planında hәr hansı dәyişikliyin olmadığını söylәyib.

Co Bayden Ağ Evdә tәşkil etdiyi mәtbuat konfransında jurnalistlәrin ABŞ qoşunlarının Әfqanıstandan çıxma planı ilә bağlı suallarını cavablandıraraq deyib: ‘‘Daha әvvәl açıqladığımız kimi qoşunlarımız ölkәni sentyabrın 11-dәk tәrk edәcәk. Çıxmaq üçün özümüzә rahat sahә yaratmağa çalışırıq. Ancaq bәzi hәrbçilәrimiz tәhlükәsizlik mәqsәdi ilә bölgәdә qalacaq’’.

ABŞ prezidenti Co Bayden Әfqanıstan rәsmilәri ilә keçәn hәftә Ağ Evdә görüşdüyünü dә  vurğulayıb.

‘‘Tәxminәn 20 ildir bu müharibәdә iştirak edirik. Әfqanıstan hökumәtinin davam etdirә bilәcәyinә inanıram. Ancaq problemlәrin hәll edilmәsi mәsәlәsindә çәtinliklәr yaşaya bilәrlәr. Biz dә onlara dәstәk verәcәyik’’,-deyә Amerika Birlәşmiş Ştatları prezidenti qeyd edib.