Albaniya parlamenti Türkiyədən PUA almaq üçün əlavə vəsait ayrılmasını təsdiqləyib
Albaniya Parlamenti hökumətin Türkiyədən pilotsuz uçuş aparatlarının (PUA) alınması üçün ayırdığı vəsaitlə əlaqəli büdcə dəyişikliyini təsdiqləyib.
Albaniya parlamenti Türkiyədə istehsal olunan pilotsuz uçuş aparatlarını (PUA) almaq üçün ölkənin Müdafiə Nazirliyinin büdcəsinə əlavə 8 milyon avro vəsait ayrılmasını təsdiqləyib.
8 milyon avrodan çox əlavə büdcənin təsdiqlənməsi üçün 82 millət vəkili "bəli", 9 millət vəkili "xeyr" səsi verərkən, 4 millət vəkili bitərəf qalıb.
Albaniya hökuməti 22 iyun tarixində normativ qanun olaraq bilinən büdcə düzəlişini təsdiqləmiş və qərar Rəsmi Qəzetdə də yayımlanmışdı.
Baş nazir Edi Rama keçən ay bəzi kabinet üzvləri ilə birlikdə Türkiyəyə səfər etmiş və türk şirkətləri ilə görüşlər zamanı super ağıllı pilotsuz təyyarələrlə ölkə ərazilərinin nəzarət sistemindən bəhs etdiklərini qeyd etmişdi.
Rama pilotsuz uçuş aparatları ilə yollar, sahil zolağı, əkin sahələri, meşələr və ictimai asayiş haqqında real vaxt məlumatları əldə etməyi hədəflədiklərini bildirmişdi.
Әlaqәli Xәbәrlәr
Dünyanın ən böyük hava limanı tikilir
Bunu Dubay Əmiri, BƏƏ-nin baş naziri Şeyx Məhəmməd ibn Rəşid əl-Məktum deyib
“Gözəgörünməz köpəkbalığı” sualtı qayığı
Avstraliya artıq gələcəyin sualtı qayığına çevrilə biləcək qeyri-adi modelin prototipini işə salıb