Heiko Maas : “Avropa İttifaqı ilə Türkiyə arasındakı miqrasiya razılaşması yenilənməlidir”
Almaniyanın Xarici işlər naziri Heiko Maas, Avropa İttifaqı (Aİ) ilə Türkiyə arasındakı miqrasiya razılaşmasının yenilənməsini tələb edib.
Xarici işlər naziri Maas “Welt” qəzetinə müsahibəsində bu barədə danışıb. O qeyd edib ki, Türkiyə ilə miqrasiya mövzusunda əməkdaşlığı yeniləməyə zərurət var. Türkiyə hökuməti ilə alyans arasında bir sıra məsələlər olsa da bu ölkənin miqrasiya yükünü bizim üçün üzərinə götürdüyünü etiraf etməliyik. Türkiyənin Suriya və bölgədəki digər ölkə vətəndaşı olan 4 milyondan çox qaçqına ev sahibliyi etdiyinə diqqət cəkən Maas: “İnanıram ki, Aİ-də Türkiyə ilə miqrasiya sazişinin daha da inkişaf etdirilməsi və yenilənməsinə maraqla yanaşır”.
Nazir, “Yeni bir razılaşma olması halında Aİ Türkiyəyə maliyyə dəstək verməlidir” deyə ünvanlanan suala: “Bu məsələ ilə əlaqəli bir rəqəm bəyan etmək istəmirəm, lakin bunun pulsuz olmayacağı da aydındır. Nəticədə Türkiyə milyonlarla insana xərc çəkərkən, digərləri buna biganə qalmamalıdır”.