Yəməndə 11 jurnalist husilər ilə əl-Qaidənin əlində

Yəmən Jurnalistlər Birliyi, “Yəmən Jurnalistlər Günü” münasibətilə yayımladığı açıqlamada ölkədəki media mənsublarının vəziyyətinə münasibət bildirib. Bəyanatda qeyd edilib ki, Yəmən Jurnalistlər Günü gəlib çatdı, lakin 11 jurnalist hələ də Husilər və Əl-Qaidənin əlindədir. Sözügedən jurnalistlərdən 10-un Hüsilər, birinin isə Hadramaut vilayətində Əl-Qaidə tərəfindən tutulduğu ifadə edilən şərhdə, vətəndaş müharibəsinin başladığı 2014-cü ildən bəri media orqanlarına və jurnalistlərə qarşı 1400-dən çox qanun pozuntusu qeydə alındığı vurğulanıb.