Fanatik yəhudilərin Əl-Əqsa məscidinə basqınları davam edir

İsrail polisinin müşayiəti ilə yüzdən artıq yəhudi işğal altında olan Şərqi Qüdsün İçəri şəhərindəki Əl-Əqsa məscidinin həyətinə girib.

Qüds İslam Vəqfləri İdarəsi tərəfindən yayılan bəyanatda 136 fanatik yəhudinin məscidin cənub-qərbindəki Əl-Meğaribe (Mərakeş)) qapısından Harəm-i Şərifə basqın etdiyi bildirilib.

İsrail polisinin himayəsində olan yəhudi qrupunun məscidin Şərifin həyətlərində gəzdikdən sonra oranı tərk etdiyi vurğulanıb.

Fanatik yəhudilərin Hərəm-i Şərifə etdiyi bu cür basqınlar bölgədə gərginliyin artmasına səbəb olur.

İsrail və İordaniya arasında 26 oktyabr 1994-cü ildə imzalanan sülh müqaviləsinə əsasən Məscidül-Əqsa İordaniya Vəqflər, İslami İşlər və Müqəddəslər Nazirliyinə bağlı olan Qüds İslam Vəqfləri İdarəsinin nəzarətindədir.

Ancaq yəhudilər 2003-cü ildən bəri İdarənin icazəsi olmadan İsrailin birtərəfli qərarı ilə müqəddəs ziyarətgaha polislərin müşayiəti ilə girirlər.

Bu girişləri basqın kimi xarakterizə edən Qüdsün İslam Vəqfləri İdarəsi müsəlmanların suverenliyinin pozulduğuna diqqət çəkir.