Trampın "sıfır tolerantlıq" siyasəti nəticəsində ailələrindən ayrılan uşaq sayı

  Amerika Birləşmiş Ştatlarının sabiq prezidenti Donald Trampın "sıfır tolerantlıq" adını verdiyi siyasət daxilində Meksika sərhədində ailələrindən ayrılan uşaqların sayı 3913-dür.

  ABŞ Ailə Birləşməsi Xidməti İdarəsindən verilən məlumata görə, D.Trampın "sıfır tolerantlıq" siyasətinin qüvvəyə mindiyi 2017-ci ilin 1 iyul tarixindən ailələrindən qoparılan immiqrant uşaqların hamısı təyin olunub; təxminən 1723 ailədən 3913 uşaq ayrıldığı müəyyənləşib.  

  "Sıfır tolerantlıq" siyasətinə qarşı çıxan Amerika Vətəndaş Azadlıqları Birliyinin (ACLİ) bildirdiyinə görə, Donald Trampın prezidentliyinin ilk 6 ayında ailəsindən nə qədər uşaq ayrıldığını təyin etmək üçün çalışılır.

  Ailəsindən qoparılan 3913 uşaqdan 1786-sı valideynlərindən ən az biriylə qovuşdurulub, bəziləri ailənin ikinci dərəcəli üzvünə təslim edilib, 391 uşaq isə hələ də valideynsiz qalır.