Co Bayden ABŞ әsgәrlәrinin Әfqanıstandan çıxacağını açıqladı

Amerika Birlәşmiş Ştatlarının prezidenti Co Bayden 2021-ci ilin 11 sentyabr tarixinәdәk Әfqanıstandakı ABŞ әsgәrlәrinin ölkәdәn çıxacağını söylәyib.

Ağ Evdә çıxış edәn Co Bayden Әfqanıstanda qalan 2 min 500 ABŞ әsgәrinin bu ölkәdәn nә zaman çıxacağını açılayıb.

Әfqanıstanın bir daha Amerika Birlәşmiş Ştatlarına qarşı terror hücumlarının bazası olmaması üçün işlәdiklәrini qeyd edәn Co Bayden ABŞ-ın Әfqanıstandakı hәrbi mövcudluğunu davam etdirmәyәcәyini bildirib.

Amerika Birlәşmiş Ştatları prezidenti deyib: ‘‘Amerikanın әn uzun müharibәsinә son qoymağın  vaxtı gәldi. Amerika әsgәrlәrinin evә qayıtma vaxtı gәldi. Mayın 1-dәn etibarәn әsgәrlәrimizi bu ölkәdәn çıxarmağa başlayacağıq, ancaq tәlәsmәyәcәyik.Bunu tәhlükәsiz şәkildә hәyata keçirәcәyik’’.

Әfqanıstanda tәxminәn 20 ildir Amerika Birlәşmiş Ştatlarının yanında olan müttәfiq vә tәrәfdaşlarına tәşәkkür edәn Co Bayden qeyd edib ki,  20 il әvvәl sentyabrın 11-dә törәdilәn xain hücumun ildönümündә ABŞ әsgәrlәri  NATO müttәfiqlәrimizin әsgәrlәri ilә ölkәdәn çıxacaq.
Әfqanıstan ilә Taliban arasında keçirilәn sülh görüşlәrini dә dәstәklәmәyә davam etdiklәrini vurğulayan Co Bayden deyib: ‘‘Biz әfqan qadın vә qızların hüquqlarını qorumağa davam edәrkәn humanitar dәstәk dә verәcәyik, hәmçinin bölgәdәki digәr ölkәlәrdәn  xüsusilә Pakistan, Rusiya, Çin, Hindistan vә Türkiyәdәn Әfqanıstanı dәstәklәmәk üçün daha çox iş görmәlәrini xahiş edәcәyik’’.