"Air France" və Avropa İttifaqı yardımla bağlı razılığa gəldilər

Fransa İqtisadiyyat Naziri Bruno Le Maire bir televiziya kanalına müsahibəsində bu barədə danışıb. O qeyd edib ki, hava yolu şirkətinə maliyə yardım mövzusunda Avropa komiussiyası ilə danışıqlar sona çatıb. Lakin yardım miqdarı hələ dəqiqləşdirilməyib. Air France-ın Orly hava limanında bəzi eniş- havaya qalxma yerlərindən imtina etməli olduğunu ifadə edən İqtisadiyyat naziri, dövlətin bu günə qədər şirkətə 7 milyard avro yardım etdiyini xatırladıb. Air France-ın karbon dioksid emissiyalarını azaltacağına və bu mövzuda dünya lideri olacağına inandığını vurğulayıb.

Qeyd edək ki, Air France-KLM tərəfdaşlığı, Kovid-19 epidemiyası səbəbiylə 2020-ci ildə 7,1 milyard avro zərər etdi. Şirkətin dövriyyəsi 2020-ci ildə bir əvvəlki ilə müqayisədə 59% azaldı və borcu iki dəfə artaraq 11 milyard dollara çatdı.