ABŞ-da silah alanların sayında rekord artım

ABŞ-da 2020-ci ildə silah almaq üçün müraciət edənlərin sayı 39,7 milyona yaxınlaşıb.

Federal Təhqiqat Bürosunun (FTB) məlumatına görə, ABŞ-da 2020-ci ildə 39 milyon 695 min insan silah almaq üçün müraciət edib.

Ölkədə 2018-ci ildə silah almaq üçün müraciət edənlərin sayı 26 milyon olduğu halda, bu rəqəm 2019-cu ildə 28 milyon civarında idi.

Yeni növ koronavirus (Covid-19) epidemiyası ilə yanaşı ölkədə artan qütbləşmə də cəmiyyəti silah almağa yönəldən mühüm amillərdən biri kimi hesab olunur.