İngiltərə Türkiyə ilə Yunanıstan arasındakı tədqiqat danışıqlarını alqışlayıb

Türkiyə ilə Yunanıstan arasındakı tədqiqat danışıqlarının yenidən başladılması İngiltərə tərəfindən alqışlanıb.

İngiltərənin Avropa üzrə Dövlət naziri Vendy Morton tədqiqat danışıqlarının Şərqi Aralıq dənizinin sabitliyi və firavanlığı üçün vacib addım olduğunu bildirib.

Nazir Vendy Morton sosial media hesabından yaydığı mesajda​​ İngiltərənin regional gərginliyin azaldılmasını dəstəklədiyini vurğulayaraq deyib:
"Türkiyə ilə Yunanıstanın tədqiqat məqsədli danışıqlara yenidən başlamasını və danışıqların davam etdirilməsi üçün vəd vermələrini alqışlayırıq".