Avropa İttifaqına üzv dövlәtlәrin XİN rәhbәrlәri Dağlıq Qarabağdakı vәziyyәti müzakirә ediblәr
Avropa İttifaqına üzv dövlәtlәr Dağlıq Qarabağ böhranında regional aktyorların qarşururmaların dayanması vә sülhün tәmin olunmasına töhfә vermәlәrinin әhәmiyyәtini vurğulayıblar.
Avropa İttifaqına üzv dövlәtlәr Dağlıq Qarabağ böhranında regional aktyorların qarşıdurmaların dayanması vә sülhün tәmin olunmasına töhfә vermәlәrinin әhәmiyyәtini vurğulayıblar.
Avropa İttifaqına üzv dövlәtlәrin xarici işlәr nazirlәrinin Lüksenburqda keçirdiyi iclasdan sonra jurnalistlәrә bәyanat verәn Avropa ittifaqının xarici әlaqәlәr vә tәhlükәsizlik siyasәti üzrә ali nümayәndәsi Cozef Borrel Dağlıq Qarabağ problemini müzakirә etdiklәrini bildirib.
Dağlıq Qarabağ mәsәlәsindә ATӘT-in Minsk Qrupunun hәmsәdrlәrindәn Fransanın xarici işlәr naziri Jan İv Le Drianın son vәziyyәt haqqında mәlumat verdiyini bildirәn Borrel qarşıdurmaların dayanmasını, müzakirәlәrin yenidәn başlamasını vә 10 oktyabrda humanitar mәqsәdlәrlә elan edilәn atәşkәsә necә töhfә verә bilәcәklәrini müzakirә etdiklәrini söylәyib.
Borrel Avropa İttifaqına üzv dövlәtlәrin regional aktyorların qarşıdurmaların dayanması vә sülhün tәmin olunmasına töhfә verilmәsi mәsәlәsindә razılıq әldә etdiklәrini deyib.
Әlaqәli Xәbәrlәr
Dünyanın ən böyük hava limanı tikilir
Bunu Dubay Əmiri, BƏƏ-nin baş naziri Şeyx Məhəmməd ibn Rəşid əl-Məktum deyib
“Gözəgörünməz köpəkbalığı” sualtı qayığı
Avstraliya artıq gələcəyin sualtı qayığına çevrilə biləcək qeyri-adi modelin prototipini işə salıb