Bayden ABŞ prezidentliyinə namizədliyini rəsmi olaraq elan etdi

Cozef Bayden ABŞ prezidentliyinə Demokratlar Partiyasından namizəd oldu.

Bayden bunu Miluokidə onlayn formatda keçirilən partiya qurultayında deyib.

Bayden "Əgər məni prezident seçsəniz, mən sizə xoşbəxt gələcək bəxş edəcəm. Böyük fəxr və məmnuniyyətlə ABŞ prezidentliyinə namizəd olmaq təklifini qəbul edirəm" deyib.

Qeyd edək ki, Demokratlar Partiyası 77 yaşındakı Baydeni ABŞ prezidentliyinə namizəd kimi təsdiqləyib. 

ABŞ-da 59-cu prezident seçkiləri noyabrın 3-nə təyin edilib. Respublikaçılardan isə Tramp namizəd olacaq.