Şərq ölkələrində yeni növ koronavirusla bağlı son vəziyyət
Dünyada yeni növ koronavirus (Covid-19) epidemiyası səbəbindən həlak olanların sayı artmaqda davam edir.
Dünyada yeni növ koronavirus (Covid-19) epidemiyası səbəbindən həlak olanların sayı artmaqda davam edir.
İranda yeni növ koronavirus epidemiyası səbəbindən həlak olanların sayı iki min nəfərə çatıb. Məlumata görə, həlak olanlar arasında 6 yaşlı bir uşaq və Polis idarəsinin rəisi də var.
İraqda yeni növ koronavirus (Covid-19) epidemiyası səbəbindən ölənlərin sayı 27-ə yüksəlib. Ölkədə indiyədək virusa yoluxanların sayı 316-ya, müalicə olunanların sayı isə 75-ə çatıb.
Qəzza zolağındakı Vəqflər və Dini İşlər Nazirliyi yeni növ koronavirusa (Covid-19) qarşı mübarizə çərçivəsində bölgədəki bütün məscidləri bu gündən etibarən bağlamaq ilə bağlı qərar qəbul edib.
Səhiyyə Nazirliyinin sözçüsü Esref əl-Kudra İsrailin 13 ildən çoxdur tətbiq etdiyi mühasirə səbəbindən zəruri dərmanların 39 faizi, tibbi avadanlıqların 23 faizi və qan ehtiyatlarının 60 faizinin çatışmazlığı, eyni zamanda laboratoriyalarda məhdud təchizatın olduğunu söyləyib. Esref əl-Kudra İsrailin fələstinlilərin həyatı üçün məsuliyyət daşıdığını vurğulayıb.
Kudra Birləşmiş Millətlər Təşkilatının bütün əlaqədar qurumlarına Qəzzadakı blokadanın aradan qaldırılması ilə yanaşı, bölgəyə dərman, tibbi ləvazimat, koronavirusla mübarizə üçün lazımi avadanlıqların çatdırılması ilə əlaqədar çağırış edib.
İsraildə yeni növ koronavirusa yoluxanların sayının 2 mini ötdüyü, həlak olanların sayının isə 5 nəfərə çatdığı bildirilib.
NATO-nun Əfqanıstandakı Qətiyyətli Dəstək Missiyasının 4 hərbçisində də yeni növ koronavirus aşkar edilib. Onların İtaliya vətəndaşı olduqları bildirilib.
Virus nəticəsində ölənlərin sayını 19, yoluxanların sayını isə 402 olaraq açıqlayan Misir rəhbərliyi yerli vaxtla 19: 00-dan 06: 00-a qədər qismən komendant saatı elan ediləcəyini bildirib.
Liviyadakı Milli Xəstəliklərlə Mübarizə Mərkəzinin rəsmi Facebook səhifəsində verilən açıqlamada 1 nəfərin Covid-19-a yoluxduğu bildirilib.
Mərakeşdə yeni növ koronavirus səbəbindən həlak olanların sayı 5-ə, yoluxanların sayı isə 170-ə çatıb.
Hindistanda Covid-19 epidemiyasının yayılmasının qarşısını almaq məqsədilə insanların 21 gün ərzində evlərindən çıxmaları qadağan edilib.
Nigeriya epidemiya ilə mübarizə çərçivəsində bütün sərhədlərini 4 həftə bağladı.
Dünən yerli vaxtla saat 21: 00-dan 05: 00-dək Kot-d' İvuarda evdən çıxmaq qadağan edildi.
Birləşmiş Ərəb Əmirliklərində daha 50 nəfərdə virus aşkarlanıb və bununla da ölkədə virusa yoluxanların ümumi sayı 248-ə çatıb.Virusa yoluxan 45 nəfərin sağaldığı bildirilib.
Qətərdə isə virusa yoluxanların sayı 526-ya çatıb. İordaniya Səhiyyə Nazirliyi ölkədə daha 26 insanın virusa yoluxduğunu və epidemiyaya yoluxanların ümumi sayının 153-ə yüksəldiyini açıqlayıb.
Әlaqәli Xәbәrlәr
“Bir sıra Aİ ölkəsinin Fələstini rəsmən tanımasını gözləyirik”, C.Borell
İspaniyanın rəsmi xəbər agentliyi EFE-nin məlumatına görə ...