Koronavirus qurbanlarının sayı 1000 nǝfǝri keçib

Çindә yeni növ koronavirus (Kovid-19) epidemiyası sәbәbindәn hәlak olanların sayı 1368 nәfәrә çatıb.

Bu barәdә Çinin Milli Sәhiyyә Komissiyasından verilәn mәlumatda bildirilib. Mәlumatda qeyd olunub ki, virusa yoluxanların sayı 59  min 883  nәfәrә çatıb. Bunlardan 8 min 204-nün vәziyyәti kritiktir. Mәlumatda hәmçinin bildirilib ki, müalicә olunanların sayı 632-dir.

Bundan başqa Honkonq Muxtar Respublikada 49, Makau Muxtar Respublikasında isә 10 nәfәrin virusa yoluxduğu bildirilir.

Sutka әrzindә virus sәbәbindәn hәlak olanların sayı 242 nәfәrә çatıb, daha 16 min   nәfәr koronavirus şübhәsi ilә xәstәxanaya yerlәşdirilib. Belәliklә koronavirus epidemiyası sәbәbindәn  xәstәxanaya müraciәt edәnlәrin sayı 180 mini keçib.

Mǝlumatda 2 min 600 tibbi personalın Vuxan şǝhǝrinǝ göndǝrildiyi vurğulanıb.

Qeyd edәk ki, yeni növ  koronavirus ilk olaraq Çinin Xubey әyalәtinin Vuxan şәhәrindә yayılmağa başlamışdı.