Slovakiya “MiQ-29” döyüş təyyarələrinin uçuşunu dayandırdığını açıqladı
Slovakiya Hərbi Hava Qüvvələrinin komandanlığı “MiQ-29” qırıcı təyyarələrinin təlim uçuşlarının müvəqqəti dayandırılması barədə qərar verib.
Slovakiya Hərbi Hava Qüvvələrinin komandanlığı “MiQ-29” qırıcı təyyarələrinin təlim uçuşlarının müvəqqəti dayandırılması barədə qərar verib.
Bunu dünən Slovakiya Müdafiə Nazirliyinin nümayəndəsi Danka Sapakova bildirib.
Dünən axşam saatlarında təlim uçuşu zamanı Zlata-Moravçe şəhəri yaxınlığında “MiQ-29” qırıcı təyyarəsinin qəzaya uğraması ilə əlaqədar belə bir qərar qəbul edildiyi bildirilib.
Sapakova bu qərarın ölkənin hava məkanının təhlükəsizliyinin təmin edilməsinə mənfi təsir göstərməyəcəyini söyləyib.
Qeyd edək ki, qəzaya uğrayan “MiQ-29”un pilotu təyyarədən özünü tullaya bilib. Xəstəxanaya yerləşdirilən pilotun həyatı üçün təhlükə yoxdur.
İlkin məlumata görə, “MiQ-29” çənində yetərincə yanacaq olmaması səbəbindən qəzaya uğrayıb. Slovakiya Müdafiə Nazirliyi hələlik bu versiyanı təsdiqləmir. Qəzanın araşdırılması üçün xüsusi komissiya yaradılıb.
Әlaqәli Xәbәrlәr
Rusiya Müdafiə Nazirliyi bəyanat yaydı
Rusiya Donetsk vilayətindəki Novokalinovo qəsəbəsini nəzarətə götürdüyünü açıqlayıb.