Midilli adasındakı qaçqın düşәrgәsindә yanğın baş verib, ölәnlәr var

Yunanıstanın Midilli (Lesbos) adasındakı ‘‘Moria’’ adlı qaçqın düşәrgәsindә baş verәn yanğın nәticәsindә bir qadın vә bir uşaq hәlak olub.

Bu barәdә yerli mәtbuat orqanları mәlumat yayıb. Mәlumata әsasәn, yanğın düşәrqәdә keçirilәn mitinq zamanı baş verib.

Yanğın zamanı dumandan zәhәrlәnәn iki nәfәrin hәlak olduğu bildirilib.

Bu arada yanğının söndürülmәsi üçün düşәrgәyә cәlb olunan yanğınsöndürәnlәrә manea törәdәn nümayişçilәr ilә polis arasında qarşıdurma yaşanıb.

Midilli adasının Bәlәdiyyә sәdri Stratis Kitelis yerli televiziya kanallarına verdiyi açıqlamada bölgәyә әlavә qüvvә göndәrildiyini bildirib.

Yerli mәtbuat orqanları da  bölgәyә ‘‘C-130’’ tipli tәyyarәlәr ilә әlavә qüvvәnin  göndәrildiyini qeyd edib.