Şinzo Abe vә Cavad Zәrif Fars körfәzindәki gәrginliyi müzakirә ediblәr
Yaponiya baş naziri Şinzo Abe Fars körfəzində Amerika Birləşmiş Ştatları ilə İran arasında yaşanan gәrginliyә görә narahat olduqlarını deyib.
Yaponiya baş naziri Şinzo Abe Fars körfəzində Amerika Birləşmiş Ştatları ilə İran arasında yaşanan gәrginliyә görә narahat olduqlarını deyib.
İran Xarici İşlər Nazirliyindәn verilәn yazılı açıqlamaya görə, xarici işlər naziri Məhəmməd Cavad Zərif Yaponiya baş naziri Şinzo Abe ilә Yokohama şəhərində bir araya gəlib.
Görüşdə ABŞ ilə İran arasındakı gərginlik müzakirә olunub vә nüvə müqaviləsinin qüvvәdә qalmasının vacibliyi vurğulanıb.
Kyodo xəbər agentliyinin yaydığı mәlumata görә, regionda İran və ABŞ arasındakı gərginliyin aradan qaldırılması üçün diplomatik səylərin fasiləsiz davam etməsinin vacibliyini vurğulayan Şinzo Abe bildirib ki, Orta Şәrqdәki gәrginliyә görә narahatıq. Yaponiya regionda təzyiqin aradan qaldırılması və sabitliyin tәmin olunması üçün diplomatik səylərini davam etdirәcәk.
Mәhәmmәd Cavad Zərif isə bölgədəki gәrginliyin aradan qaldırılması üçün Yaponiya hökumətinin göstərdiyi səyləri mәmnuniyyәtlә qarşıladıqlarını bildirib.