Husilәr ABŞ-a mәxsus PUA-nı vurdu
Husilәr Yәmәnin Zemar şәhәrindә Amerika Birlәşmiş Ştatlarına mәxsus ‘‘MQ9’’ tipli pilotsuz uçan aparatı vurduqlarını açıqlayıb.
Husilәr Yәmәnin Zemar şәhәrindә Amerika Birlәşmiş Ştatlarına mәxsus ‘‘MQ9’’ tipli pilotsuz uçan aparatı vurduqlarını açıqlayıb.
Husilәrә mәxsus SABA xәbәr agentliyinin Husilәrin hәrbi mәsәlәlәr üzrә sözçüsü Yahya Seriyә istinadәn yaydığı xәbәrdә Amerika Birlәşmiş Ştatlarına mәxsus ‘‘MQ9’’ tipli pilotsuz uçan aparatın Yәmәndә istehsal edilәn vә yaxın zamanda ictimaiyyәtә tәqdim olunacaq bir raketlә Zamer şәhәrindә vurulduğu ifadә edilib.
Seri Sәudiyyә Әrәbistanı rәhbәrliyindәki koalisiya qüvvәlәrinә müraciәt edәrәk Yәmәn hava mәkanının әvvәldәn olduğu kimi poza bilmәyәcәklәrini vә bu addımı atmadan әvvәl düşünmәlәrinin vacibliyini vurğulayıb.
‘‘Düşmәn qüvvәlәri’’nin tәyyarәlәrini mәhv edә bilәcәk gücә malik olduqlarını bildirәn Seri gәlәcәk günlәrdә ciddi sürprizlәrin yaşanacağını açıqlayıb.
Şahidlәrin verdiyi mәlumata görә, koalisiya qüvvәlәrinә mәxsus tәyyarәlәr Husilәrin Zamer şәhәrindәki obyektlәrinә hava zәrbәlәri endirib.
Yәmәn ordusu vә Sәudiyyә Әrәbistanı rәhbәrliyindәki koalisiya qüvvәlәri hadisә ilә bağlı mәlumat vermәyib.
Uzun zamandır siyasi qeyri-sabitliyin hökm sürdüyü Yәmәndә İran tәrәfindәn dәstәklәnәn Husilәr ilә Sәudiyyә Әrәbistanı ilә Birlәşmiş Әrәb Әmirliklәri tәrәfindәn dәstәklәnәn hökumәtә sadiq qüvvәlәr arasında qarşıdurmalar yaşanır.
Yәmәnin paytaxtı Sәna vә bәzi bölgәlәri 2014-cü ilin sentyabr ayından etibarәn Husilәrin nәzarәtindәdir.
Sәudiyyә Әrәbistanı rәhbәrliyindәki koalisiya qüvvәlәri isә 2015-ci ilin mart ayından etibarәn Husilәrlә mübarizә çәrçivәsindә Yәmәn hökumәtinә dәstәk verir.
Təxminən 5 il davam edən toqquşmalar nәticәsindә minlərlə insan həyatını itirib.
Әlaqәli Xәbәrlәr
Entoni Blinken Çinə etdiyi səfəri qiymətləndirib
Entoni Blinken CNN International-a verdiyi müsahibə zamanı Çinə etdiyi səfəri qiymətləndirib.