Qəzzada əldə olunan atəşkəsə dair qərardan sonra sakitlik var

İsrail ordusunun həftə sonu şiddətli bombardmanına məruz qalan Qəzza zolağında səhər radələrində fələstinli qruplar ilə İsrail arasında əldə olunan atəşkəsə dair qərardan sonra sakitlik var.

Yerli vaxtla 04.30-da qüvvəyə mindiyi elan olunan atəşkəs qərarından sonra indiyədək hər hansı hücum olmadığı bildirilib.

İsrail Qəzzanın dəyişik nöqtələrindən Həmas və İslami Cihada məxsus olduğu irəli sürdüyü 350 hədəfə hava hücumu edib.

Hücumlarda Qəzzada 2-si hamilə qadın ilə 2 çağanın da aralarında olduğu 25 fələstinli şəhid olub, 150 fələstinli xəsarət alıb.

Bölgə sakinləri İsrail qüvvələrinin aralarında sonra “Anadolu” xəbər agentliyinin də olduğu mətbuat quruluşları ilə çox mərtəbəli binalar, evlər, sivil mənzillər, dəmir atelyesi və əkin ərazilərinə çox şiddətli hücumlar həyata keçirildiyini bununla yanaşı bir sıra hərbi nöqtələri vurduğunu ifadə ediblər.  

Şati qaçqın düşərgəsindəki Mustafa məscidi ilə Zeytun və Şücaiyye məhəllələrində 6 dəmir atelyesi hədəfə alındıqda, Qəzza, Xan Yunus və Rifah şəhərlərindəki balıqçı limanları da vurulub.

Rəsmi Təl-Əviv isə Qəzzadan İsrailə təxminən 690 raket atıldığını, bunlardan ən az 240-nın "Dəmir Günbəz" hava müdafiə sistemləri tərəfindən zərərsizləşdirildiyini bildirib.

 Qəzzadan atılan raketlərə görə İsrail tərəfində 4 nəfərin həyatını itirdiyi, 130 nəfərin yaralandığı bildirilib.