Cenevrәdә Suriya mәsәlәsi ilә bağlı mәşvәrәt toplantısı keçirilir
Birləşmiş Millətlər Təşkilatının Suriya üzrә xüsusi nümayəndəsi Geir O. Pedersen Misir, Fransa, Almaniya, İordaniya, Səudiyyə Ərəbistanı, İngiltərə və Amerika Birləşmiş Ştatlarının yüksək səviyyəli diplomatları ilә Suriya mövzusu ilә bağlı keçirilәn m
Birləşmiş Millətlər Təşkilatının Suriya üzrә xüsusi nümayəndəsi Geir O. Pedersen Misir, Fransa, Almaniya, İordaniya, Səudiyyə Ərəbistanı, İngiltərə və Amerika Birləşmiş Ştatlarının yüksək səviyyəli diplomatları ilә Suriya mövzusu ilә bağlı keçirilәn məşvərət toplantısında bir araya gəlib.
Yanvarın 8-dә vәzifәsinin icrasına başlayan Pedersen BMT-nin "kiçik qrup" olaraq adlandırdığı ölkələrlə keçirdiyi ilk iclası Birlәşmiş Millәtlәr Tәşkilatının Cenevrədәki mәrkәzi qәrargahında Türkiyә vaxtı ilә saat 12.30-da başlayıb.
Məşvərət toplantısında ABŞ-ın Suriya üzrə xüsusi nümayəndəsi Ceyms Cefri, Misirin xarici işlər nazirinin müavini Yasir Elwy, Fransa prezidenti Emmanuel Makronun Suriya üzrә xüsusi nümayəndəsi Fransua Senemaud, Almaniyanın Suriya üzrə xüsusi nümayəndəsi Robert Rohde, İordaniyanın Suriya üzrә xüsusi nümayəndəsi Harun Həsən, Səudiyyə Ərəbistanının Körfəz mәsәlәlәri üzrә naziri Tamer Əl Sabhan və İngiltərənin Suriya üzrә xüsusi nümayəndəsi Martin Lonqden iştirak edirlәr.
Toplantıda çıxış edәn Geir O. Pedersen bildirib ki, ilkin prioritetimiz Cenevrə prosesini canlandırmaq və tərəflər arasında etimadı artırmaqdır.
Toplantıda Suriya probleminin siyasi yolla hәll olunması vә Konstitusiya Komitәsinin yaradılması mәsәlәlәri dә gündәmә gәlib.
Ceyms Cefri toplantıdan әvvәl jurnalistlәrin suallarını cavablandırıb.
Ceyms Cefri jurnalistlәrin Türkiyәdә keçirdiyi görüşlәr ilә bağlı sualını cavablandıraraq deyib: ‘‘Görüşlәr müsbәt atmosferdә vә sәmәrәli keçdi’’.
Geir O. Pedersenin "kiçik qrup" ilə keçirəcəyi rəsmi toplantının ardından tərəflər arasında ikitərəfli görüşlər baş tutacaq.
Xatırladaq ki, Suriya mәsәlәsi ilә bağlı son mәşvәrәt toplantısı 2018-ci ilin 14 sentyabr ayında BMT-nin Suriya üzrә keçmiş xüsusi nümayәndәsi Steffan de Misturanın sәdrliyi ilә keçirilmişdi.
Pedersen çərşənbə günü BMT Təhlükəsizlik Şurasına Suriyadakı son vәziyyәt haqqında mәlumat vermişdi.
Geir O. Pedersen hәmçinin Astana prosesinin zamin ölkәlәri ilә (Türkiyә, İran, Rusiya) may ayında Cenevrәdә görüşәcәklәrini bildirib.
Әlaqәli Xәbәrlәr
Dünyanın ən böyük hava limanı tikilir
Bunu Dubay Əmiri, BƏƏ-nin baş naziri Şeyx Məhəmməd ibn Rəşid əl-Məktum deyib
“Gözəgörünməz köpəkbalığı” sualtı qayığı
Avstraliya artıq gələcəyin sualtı qayığına çevrilə biləcək qeyri-adi modelin prototipini işə salıb