ABŞ Venesuela üçün yeni sanksiya qərarı verdi

  Amerika Birləşmiş Ştatları Venesuela dövlət neft şirkəti PDVS-yə məxsus 34 gəmi və Kubaya xam neft nəqli edən iki şirkət üçün sanksiya qərarı verdi.

  ABŞ Xəzinə Nazirliyindən verilən açıqlamada bildirilib:

  “Venesuelada qeyri-qanuni Maduro rejimini ayaqda saxlayan gəmi və şirkətlərə qarşı yeni sanksiyalar başlayır.

  Dövlət neft şirkəti PDVS-yə məxsus 34 gəmi və Kubaya xam neft nəqli edən iki şirkəti də sanksiya siyahısına əlavə etdik”.

  Qeyd edək ki, ABŞ Venesuelada hökumətin əsas gəlir mənbələrindən biri olan neft şirkəti PDVS-yə 2019-cu ilin yanvar ayından sanksiyalar qoyur.