Nikola Maduro ABŞ-a reaksiya göstәrdi
Venesuela prezidenti Nikolas Maduro Amerika Birləşmiş Ştatlarının məqsədinin ölkəsinin sərvətlərinə әl qoymaq olduğunu bildirib.
Venesuela prezidenti Nikolas Maduro Amerika Birləşmiş Ştatlarının məqsədinin ölkəsinin sərvətlərinə әl qoymaq olduğunu bildirib.
ABŞ ilə bütün diplomatik münasibətləri keçən həftə kəsən Nikola Maduro bu ölkədən gәlәn venesuelalı diplomatları paytaxt Karakastaki Prezident İqamәtgahında qarşılayıb.
Nikola Maduro ABŞ-ın Venesuelanın PDVSA və Citqo neft şirkәtlәrinә sanksiya tətbiq etməsinə münasibәt bildirib.
"ABŞ bu qәrarla Citqo şirkәtinә әl qoymaq istәyir. Bu qeyri-qanuni bir yoldur. PDVSA və Citqo rəhbərlərinə lazımi hüquqi prosedurları hәyata keçirmәlәri ilә bağlı göstәriş verdim. Beləliklə ABŞ-ın məqsədinin Venesuelanın sərvətlərinə əl qoymaq olduğunu anlayırıq. Venesuelanın maraqlarını qorumaq üçün ABŞ-a lazım olan qanuni cavabı verəcəyik",-deyә Nikola Maduro qeyd edib.
Nikola Maduro sanksiya qәrarının özünü ölkənin "müvəqqəti prezidenti" elan edən Milli Məclisin sədri Xuan Quaidonun istəyi ilә qәbul olunduğunu söylәyib.
Maduro Venesuelanın ABŞ-dakı diplomatlarına tәrәf dәyişdirmәlәri üçün pul tәklif edildiyini, ancaq diplomatların bunu qәbul etmәdiyini qeyd edib.
Müxalifәt liderlәrinә dialoq ilә bağlı çağrış edәn Nikola Maduro: ‘‘Hazırda cәsarәt, çevrilişә ''Yox'' deyə vaxtıdır’’ deyә vurğulayıb.
Nikola Maduro Venesuelanın tarixi mübarizəylə üz-üzə olduğuna diqqəti çəkərək bildirib ki, tarixi günlər yaşayırıq, tarixi bir müharibə ilə üzləşirik. Çevriliş və müdaxilә zamanı 20-ci əsrdə qaldı. Venesuela 20-ci əsrə geri qayıtmayacaq. Venesuela öz demokratik və azad yolunda irəliləməyə davam edəcəkdir".
Әlaqәli Xәbәrlәr
Entoni Blinken Çinə etdiyi səfəri qiymətləndirib
Entoni Blinken CNN International-a verdiyi müsahibə zamanı Çinə etdiyi səfəri qiymətləndirib.