İngiltәrә İsrailә reaksiya göstәrib

İngiltәrә İsrailin İordan çayının qәrb sahilindә yeni qeyri-qanuni yaşayış mәntәqәlәri inşa edәcәyi ilә bağlı açıqlamasına  reaksiya göstәrib.

İngiltәrәnin Orta Şәrq mәsәlәlәri üzrә dövlәt naziri Alistair Burtun  (Alistair Burt) verdiyi bәyanatda deyilir: ‘‘İsrail hökumәtinin İordan çayının qәrb sahilindә qeyri-qanuni yaşayış mәntәqәlәrinin sayını artıracağı ilә bağlı qәrarı qәbuledilmәzdir’’.

‘‘İsrail qeyri-qanuni yaşayış mәntәqәlәrini inşa etmәyi dayandırmalıdır’’ deyәn Alistair Burt: ‘‘ İsrail attığı bu addımla  beynәlxalq hüquq normalarını pozur’’.

İsrail İordan çayının qәrb sahilindә daha 14 qeyri-qanuni yaşayış mәntәqәsi inşa etmәyi planlaşdırdığını elan etmişdi.

Qeyd edәk ki, 1967-ci ildә İsrail tәrәfindәn işğal olunan İordan çayının qәrb sahilindә 250-dәk qeyri-qanuni yaşayış mәntәqәsi inşa olunub. Burada 400 mindәn çox yәhudinin yaşadığı bildirilir.

İşğal altındakı Şәrqi Qüdsdә isә 18 min qeyri-qanuni yaşayış mәntәqәsi inşa olunub.