Ağ Ev : " Suriyadakı hərbçilərimiz ABŞ-a dönməyə başladılar ''

Ağ Ev ABŞ-ın Suriyadan çıxması ilə bağlı bəyanat yaydı.
Bəyanatda: " Terror təşkilatı DEAŞ-la mübarizədə yeni səhifənin açıldığı bir zamanda ABŞ hərbçiləri ölkəyə qayıtmağa başladılar'' deyilir.
ABŞ prezidenti Donald Tramp bir neçə saat əvvəl:'' Suriyada olmağımızın yeganə səbəbi olan DEAŞ- ı məğlub etdik'' demişdi.
Bu açıqlamadan dərhal sonra Ağ Evin ABŞ əsgərlərinin Suriyadan ölkələrinə dönməsi ilə bağlı bəyanatı diqqət çəkdi.
Suriyadakı ABŞ Dövlət Departamentinin əməkdaşlarının 24 saat, hərbçilərin isə 2-3 ay ərzində bu ölkəni tərk etmələri  nəzərdə tutulur. 
ABŞ 2011-ci ildən etibarən vətəndaş müharibəsinin pəncəsində olan Suriyaya ilk hərbi birliklərini rəsmi olaraq 2015- ci ildə göndərmişdi.