BMT-nin “Qlobal miqrasiya paktı” imzalandı
Birləşmiş Millətlər Təşkilatına üzv ölkələrin hazırladıqları “Qlobal Miqrasiya Paktı” Mərakeşdə imzalandı.
BMT-yə üzv 150-dən çox ölkənin qatıldığı “Qlobal Miqrasiya Paktı konfransı” Mərakeşdə keçirilir.
Mərakeş Xarici işlər naziri Nasır Buritanın yaydığı məlumata görə pakt, bu gün ( 10 Dekabr) start götürən konfransda səs çoxluğu ilə qəbul edilib.
BMT Baş katibi Antonio Quterres konfransda etdiyi çıxışında Paktın miqrantların problemlərinə qarşı mübarizədə yol xəritəsi olacağına diqqət çəkib. İcbari xarakter daşımayan və qoşulan ölkələrdən hansısa məcburi tədbirlər görülməsini tələb etməyən sənədin beynəlxalq əməkdaşlıq baxımından böyük əhəmiyyət daşıdığını, immiqrantlara insan hüquqlarından istifadələrinə imkan yaradacağını bildirib.
BMT Baş katibi Antonio Quterres vurğulayıb ki: Pakt, 260 milyon qədər qaçqının 50% -ni təşkil edən və qeyri adi şərtlər altında yaşayan qadın və gənc miqrantların səsi olacaq”.
Nizamsız köç səbəbiylə həyatını itirənlərin sayında artım qeydə alındığını ifadə edən Quterres, 2000-ci ildən bəri 60 mindən çox miqrantın həyatını itirdiyini sözlərinə əlavə edib.
BMT-nin 73-cü Baş asambleyasının sədri Maria Fernanda Espinosa da çıxışında: “İmzalanan pakt, qaçqınların doğma vətənləri, həmçinin köç etdikləri ölkələr arasında əməkdaşlıq edilməsinə imkan yaradacaq”-deyib.
Son illərdə köç edənlərin sayında böyük nisbətdə artım müşahidə olduğunu, bunların çoxunun ölümlə nəticələndiyini ifadə edən Espinosa, Paktın ölkələrin suverenliyinə zərər vermədiyini əksinə insan ticarətinə qarşı mübarizədə güclü tədbirlərin həyata keçirilməsində, insan hüquqları və milli suverenlik başda olmaqla ölkələrin köçə qarşı mübarizələrində, miqrantların cəmiyyət ilə uyğunlaşmalarında müst təsir bağışlayacağını vurğulayıb.
Almaniya kansleri Angela Merkel və İspaniya baş naziri Pedro Sanchezin də qatıldığı konfransda bəzi ölkələrin dövlət və hökumət başçılarının çıxışı gözlənir. İki gün davam edəcək tidbirdə Türkiyəni Daxili işlər naziri
Süleyman Soylu təmsil edir.
Qeyd edək ki, Avstriya, Polşa, Çexiya, Estoniya, Bolqarıstan, Xorvatiya, ABŞ, Macarıstan, Avstraliya və İsrail pakta qoşulmayacaqlarını bəyan etmişdilər.
Әlaqәli Xәbәrlәr
Rusiya Müdafiə Nazirliyi bəyanat yaydı
Rusiya Donetsk vilayətindəki Novokalinovo qəsəbəsini nəzarətə götürdüyünü açıqlayıb.