Kaliforniyada meşə yanğınları nəticəsində ölənlərin sayı 81 nəfərə çatıb
Bu barәdә ölkә rәsmilәri tәrәfindәn verilәn mәlumatda bildirilir.
ABŞ-ın Kaliforniya ştatında meşə yanğınları nəticəsində həlak olanların sayı 81 nəfərə çatıb.
Bu barәdә ölkә rәsmilәri tәrәfindәn verilәn mәlumatda bildirilir.
Mәlumata әsasәn, xilasedicilər ərazidə daha iki nəfərin cəsədini tapıblar. 700 nәfәrin itkin düşdüyünü bildirilir.
Rәsmilәrin mәlumatına görә, alov tәxminәn 12 min tikilini, әsasәn dә yaşayış binalarını mәhv edib.
Bölgәyә çox sayda yanğınsöndürәnin cәlb olunduğu qeyd olunub.
Qeyd edәk ki, meşə yanğınları noyabrın 8-dən etibarən sürətlə yayılmağa başlayıb. Hazırda yanğının sahəsi 60 min hektara yaxınlaşır. 300 min insan öz evlərini tərk etmək məcburiyyətində qalıb.
Yanğın nәticәsindә mәhv olan tikililәr arasında şotlandiyalı aktyor Cerard Butler (Gerard Butler), müğәnni Mayli Sayrus (Miley Cyrus), aktyor Skot Bayo (Scott Baio), rejissor Qilyermo del Toro (Guillermo del Toro), Kim Kardaşyan (Kim Kardashian), aktrisa Alisa Milano (Alyssa Milano) vә Rain Vilsonun (Rainn Wilson) evlәri dә var.