İş mühitinin yaxşılaşdırılmasına dair islahatlarda artım qeydə alınıb
Dünyada iş mühitinin yaxşılaşdırılmasına yönəldilmiş islahatların sayında rekord artım qeydə alınıb. Bu sahədə bir il ərzində həyata keçirilən islahatların sayı 314-ə yüksəlib.
Dünya Bankının İyun 2017- May 2018 tarixləri əhatə edən hesabatına görə, dünya ölkələrində bir ildə 128 hökumət tərəfindən asan xidmət ilə əlaqəli 314 islahat həyata keçirilib. Bu bütün dövrlərə müqayisədə asan xidmət islahatları ilə əlaqəli ən yüksək sayı hesab edilir.
Dünya Bankı tərəfindən 2003-cü ildən bəri hazırlanan hesabatda asan xidmət baxımından dünyanın ən yaxşı 10 ölkəsinin, Yeni Zelandiya, Sinqapur, Danimarka, Honkonq, Çin, Cənubi Koreya, Gürcüstan, Norveç, ABŞ, Böyük Britaniya və Makedoniya olduğu bildirilir.
Hesabatda asan xidmət reformları baxımından inkişaf edən ölkələrin başında isə Əfqanıstan, Cibuti, Çin, Azərbaycan, Hindistan, Toqo, Keniya, Fildişi sahilləri, Türkiyə və Ruandanın olduğuna diqqət çəkilib.
Hesabatda qeyd edilib ki, iyun 2017-May 2018 arasında asan xidmət ilə əlaqəli Türkiyədə 7 islahat həyata keçirilib. Beləcə ötən dövrlə müqayisədə 17 pillə yüksələrək 43-cü sırada yerləşib.
