Emmanuel Makron vә Donald Tramp arasında telefon danışığı olub
Fransa prezidenti Emmanuel Makron vә Amerika Birlәşmiş Ştatlarının prezidenti Donald Tramp sabah İstanbulda keçirilәcәk Suriya ilә bağlı zirvә görüşünü müzakirә edib.
Fransa prezidenti Emmanuel Makron vә Amerika Birlәşmiş Ştatlarının prezidenti Donald Tramp sabah İstanbulda keçirilәcәk Suriya ilә bağlı zirvә görüşünü müzakirә ediblәr.
Fransa Prezident Aparatından verilәn mәlumata görә, Fransa prezidenti Emmanuel Makron vә Amerika Birlәşmiş Ştatlarının prezidenti Donald Tramp arasında telefon danışığı olub.
Mәlumatda Makron vә Trampın zirvә görüşündәn әvvәl Suriyadakı son vәziyyәti qiymәtlәndirdiklәri, hәmçinin İdlib bölgәsindә atәşkәs rejimini davam etdirmәk vә Suriya daxilindә münaqişәlәrә son qoymaq mәqsәdilә aparılan siyasi danışıqlarla bağlı detalları müzakirә etdiklәri qeyd olunub.
Telefon danışığında ABŞ prezidenti Donald Trampın bu mәsәlә ilә bağlı Fransaya dәstәyini dilә gәtirdiyi vurğulanaraq: ‘‘Fransa vә ABŞ-ın Suriyada eyni siyasi, humanitar vә tәhlükәsizlik hәdәflәri var’’ deyib.
Mәlumatda hәmçinin yaxın və orta mənzilli raketlərin ləğv edilməsinə dair razılaşmaya da toxunan iki liderin qısa müddәt әrzindә bu mәsәlә ilә bağlı Rusiya prezidenti Vladimir Putin ilә görüşmәk istәdiklәrini dilә gәtirdiklәri bildirilib.
Suriya ilә bağlı zirvә görüşü Türkiyә Prezidenti Rәcәb Tayyib Әrdoğanın ev sahibliyindә Rusiya prezidenti Vladimir Putin, Fransa prezidenti Emmanuel Makron vә Almaniya kansleri Angela Merkelin iştirakı ilә oktyabrın 27-dә İstanbulda keçirilәcәk.