Kaliforniyadakı meşə yanğınlarında 50 min nəfər evini tərk etdi

ABŞ-ın Kaliforniya ştatında 6 nəfərin həyatına son qoyan meşə yanğınlarında 50 min nəfər evlərindən təxliyyə edilib.

ABŞ-ın Kaliforniya ştatında tüğyan edən meşə yanğınları nəticəsində ölənlərin sayı 6-ya çatıb, daha 7 nəfər isə itkin düşüb.

Yanğın 19,5 min hektar sahəni əhatə edib, ətraf ərazilərdən 50 min insan təxliyə olunub.

ABŞ Prezidenti Donald Tramp Kaliforniya ştatında fövqəladə vəziyyət elan edib.

Digər tərəfdən meşə yanğınını başlatdığı şübhəsilə bir nəfərin saxlanıldığı bildirilib.