"Arakan probleminin həlli üçün vaxta ehtiyac var",T.Çjo

Myanma prezidenti Txin Çjo Arakan probleminin həlli üçün vaxta ehtiyac olduğunu söyləyib.

Dövlət başçısının jurnalistlərə verdiyi açıqlamada bildirilib: 1,5 il əvvəl vəzifəsinə başlayan hökumət arakanlı müsəlmanların həyatlarını qorumağa cəhd göstərir. Ancaq 18 ay ərzində hökumətdən bütün problemlərin həllini gözləmək məntiqsizdir.

Myanma hökumətinin BMT-nin sabiq Baş katibi Kofi Annan başçılığındakı Arakan Məşvərət Komissiyasının tövsiyələrini tətbiq etməyi maraqla gözlədiyini dilə gətirən Çjo “İnkişaf sahəsində əlimizdən gəldiyi qədər sürətli addımlar atmağa cəhd edirik. Çünki ən ciddi problemlərimizdən biri mənbələrin kifayətsizliyidir.”-deyə bildirib.