ATƏT-in Xaici İşlər Nazirləri Şurasının 23-cü iclası başa çatdı
İclasda Ukrayna böhranı, Avropanın təhlükəsizliyi, terrorla mübarizə məsələləri müzakirə olundu.
Almaniyanın Hamburq şəhərində keçirilən Avropa Təhlükəsizlik və Əməkdaşlıq Təşkilatının Xaici İşlər Nazirləri Şurasının 23-cü iclası başa çatdı.
57 ölkənin təmsil olunduğu iclasda yekun bəyannamə qəbul olundu.
İclasda Ukrayna böhranı, Avropanın təhlükəsizliyi, terrorla mübarizə məsələləri müzakirə olundu.
İclas çərçivəsində həyata keçirilən ikitərəfli görüşlərdə Suriyadakı hadisələr də gündəmə gəldi.
Toplantıdan arzu olunan nəticə əldə olunmasa da, Ukrayna böhranı məsələsində tərəflərin bir araya gəlməsi və dialoq yolunu açıq tutması uğur kimi qiymətləndirildi.
Almaniyanın xarici işlər naziri Frank Walter Steinmeier iclasdakı yekun çıxışında Avropanın artıq davamlı sülhün hökm sürdüyü bir yer olmadığını, sülhün və təhlükəsizliyin təhlükə altında olduğunu söylədi.
Dünyanın bir çox bölgəsində baş verən böhranlara baxmayaraq, tərəflərin bir araya gəlməsinin əhəmiyyətinə diqqət çəkən Steinmeier, ATƏT-in fəaliyyətinin genişlənməsinin zəruriliyini qeyd etdi.
Steinmeier Suriyadakı vəziyyətin dözülməz olduğunu və bu məsələ ilə bağlı danışıqların davam etdirilməsinin vacibliyini vurğuladı.
Fransanın paytaxtı Parisdə bu gün keçiriləcək Suriya Konfransını xatırladan Steinmeier, yeni bir atəşkəsin ancaq bu növ təşəbbüslərlə mümkün ola biləcəyini qeyd etdi.
ATƏT dönəm sədrliyi 1 yanvar 2017-ci ildə Almaniyadan Avstriyaya keçəcək.
Әlaqәli Xәbәrlәr
Şimali Koreya şimal sərhədi yolunu minaladı
Bu barədə "Yonhap" agentliyi Cənubi Koreya ordusu məlumat yayıb