ABŞ hava limanında atəş

  Amerika Birləşmiş Ştatlarının (ABŞ) Oklahoma əyalətinin hava limanında atəş açılması nəticəsində 1 nəfər ölüb.

  Gündəlik təxminən 8 min sərnişinin istifadə etdiyi hava limanındakı bu hadisədən sonra polis adamları qorumaq üçün təhlükəsizlik tədbirləri görüb. Aeroportun ətrafındakı bütün prospekt və yollar da gediş-gəlişə bağlanılıb.

  Səlahiyyətlilər silahla atəş edən və ölən adamla bağlı açıqlama verməyib.

  ABŞ-da bir məktəbdə də şiddət hadisəsi baş verib. Utah əyalətinin bir liseyində 5 şagird bıçaqlanıb. 16 yaşlı cinayətkar qısa zamanda tutulub. Yaralı şagirdlər isə xəstəxanaya aparılıb.