ABŞ Hermine qasırğasının tǝsiri altında

Qasırğa nǝticǝsindǝ yüz minlərlə adam elektriksiz qalıb. Florida valisi Rick Scott 51 rayonda fövqəladə hal rejimi elan edib. 20 rayonda isǝ məktəblər tətil edilib.

Qasırğa səbəbiylə mətbuat konfransı tǝşkil edǝn Scott, Floridalılardan tǝbii fǝlakǝt qarşısında tǝdbirli olmalarını istǝyib.

Xüsusilə su səviyyəsinin aşağı olduğu bəzi rayonlardan xalqın evakuasiya edilmǝsini mǝslǝhǝt görǝn Səlahiyyətlilər, bölgəyə 30 min qum torbasının göndərildiyini və 6 min əsgərin xilasetmə işləri üçün hazırda gözlədiyini qeyd ediblǝr.

Apalachıcola, Tallahassee və St. Peterburqda küləyin sürəti 140 kilometrə çatıb.

Ölkənin şərqində təsirli olacağı proqnozlaşdırılan qasırğanın, New Jerseyə çatdığında tropik fırtınaya çevrilməsi gözlənilir.

Hermine qasırğasının, 2005-ci il Floridada təsirli olan və bölgədə böyük zərərə gǝtirib çıxaran Wilma qasırğasından sonrakı ən tǝhlükǝli tǝbii fǝlakǝt olduğu bildirilir.