Almaniyada minlərcə insan irqçiliyə qarşı etiraz edib

Almaniya Həmkarlar İttifaqı, Protestant Kilsəsi, Müsəlmanların Mərkəzi Şurası və Beynəlxalq Amnistiya Təşkilatı ilə sosial sahədə fəaliyyət göstərən qeyri-hökumət təşkilatının yaratdığı bir Təşəbbüs qrupu tərəfindən Berlin, Münhen, Hamburq və Leypziq başda olmaqla, bir çox şəhərdə "İrqçiliyə qarşı əl-ələ" devizi altında aksiya keçirilib.

Paytaxt Berlində etirazçılar Kreuzberg rayonundakı bir qaçqın yataqxanasından Berlin bələdiyyə binasına qədər əl-ələ tutaraq böyük insan zənciri yaradıblar.

Nümayişçilər "İnsan haqları və müxtəliflik üçün", "Hər bir insan bərabərdir" və "Tolerantlıq" şüarları səsləndiriblər.

Təşəbbüs qrupu paytaxt Berlindəki etiraz aksiyasına təxminən 9 min nəfərin qatıldığını açıqlayıb.

Ölkənin digər şəhərlərində də oxşar aksiyalar keçirilb.