İslamofobiya ilǝ mübarizǝdǝ yumorlu reklam kampaniyası
Hazırlanan 1 dǝqiqǝlik reklam videosunda amerikalıların müsǝlman qonşularına olan şübhǝli yanaşmaları yumorlu bir dillǝ ifadǝ edilib.
Amerika-İslam Әlaqǝlǝri Şurası (CAİR) ABŞ-da xüsusilǝ prezidenliyǝ namizǝdlǝrdǝn Donald Trumpun çıxışlarına görǝ artan İslamofobiya ilǝ mübarizǝ üçün yumorlu bir reklam kampaniyası başladıb.
Şura tǝrǝfindǝn hazırlanan 1 dǝqiqǝlik reklam videosunda amerikalıların müsǝlman qonşularına olan şübhǝli yanaşmaları yumorlu bir dillǝ ifadǝ edilib.
Videoda bu simptomları göstǝrǝn amerikalılara “İslamophobin” adlanan saqqız tǝklif edilir.
Reklamda saqqız göstǝrilir vǝ deyilir ki, İslamophobin xroniki İslamofobiyası olanlara kömǝk edir. Mǝmulumuz mǝnfi fikirli, ǝsassız müsǝlman qorxusu olanların, tolerantsızlığın müalicǝsindǝ tǝsirlidir.
Reklamda ABŞ xalqına da xitab edilǝrǝk, "Müsǝlmanlardan qorxur yaxud da onlara nifrǝtmi edirsiniz? Sizin kimi geyinmǝyǝn, danışmayan vǝ ya düşünmǝyǝn insanlara şübhǝ ilǝmi yanaşırsınız? Müsǝlman yaxud da müsǝlman zǝnn ǝtdiyiniz birini görǝndǝ çoxmu narahat olursunuz? Sǝyahǝt etdiyiniz tǝyyarǝdǝ bir müsǝlman olmasın deyǝ duamı edirsiniz? sualları verilir.
Videoda bu suallara “bǝli” cavabı verǝnlǝrǝ “İslamophobin” saqqızının kömǝk edǝcǝyi söylǝnir.
Reklamda saqqızı çeynǝyǝnlǝrin müsǝlman qonşularına vǝ iş yoldaşlarına bir anda dost olaraq yanaşmağa başladıqları görünür.
Amerika-İslam Әlaqǝlǝri Şurasının (CAİR) internet sǝhifǝsindǝ saqqızın bir internet saytından tǝmin edilǝ bilǝcǝyi yazıb.
Sǝhifǝdǝ isǝ mǝmulun şǝkǝrsiz saqqız olduğu bildirilib, qiymǝti isǝ kargo vǝ vergini çıxmaqla 1.99 dollardır.
Şuranın İcra direktoru Nihad Awad ABŞ mediasına mövzuyla bağlı verdiyi açıqlamada Donald Trump vǝ digǝr Cümhuriyyǝtçi namizǝd üzvlǝrinin “ mǝsuliyyǝtsiz bǝyanatları”nın İslamofibiyanı artırdığını vurğulayaraq, Trump namizǝd olacağı tǝqdirdǝ ayrı-seçkiliyin daha da artacağını bildirib.
