“Uçuşa qadağan bölgǝ böhranın başa çatmasına dayaq ola bilǝr”, C.Bekir

ABŞ-ın sabiq dövlǝt katibi Cemis Bekır Türkiyǝnin Suriyada uçuşa qadağan bölgǝ ilǝ ǝlaqǝli tǝklifinin Obama rǝhbǝrliyi tǝrǝfindǝn dǝstǝklǝnmǝsinin lazım olduğunu, bunun Suriya böhranının başa çatdırılmasına kömǝk edǝ bilǝcǝyini söylǝyib.

George H.W. Bushun prezident olduğu dövrdǝ-1989-1992-ci illǝr arasında  Dövlǝt katibi işlǝyǝn Bekır Senatın Xarici Әlaqǝlǝr Komitǝsindǝ “ABŞ-ın dünya üzǝrindǝki rolu” mövzulu iclasda çıxış edib.

Obama rǝhbǝrliyinin Türkiyǝnin Suriyanın şimalında uçuşa qadağan bölgǝ yaradılması tǝklifini qǝbul etmǝmǝsini “çox pis bir qǝrar” olaraq dǝyǝrlǝndirǝn Bekır deyib ki, artıq bunu söylǝmǝk üçün çox gecdir, lakin Türkiyǝnin tǝklifinǝ dǝstǝk vermǝmǝk çox pis oldu. Әgǝr bu tǝklifi dǝyǝrlǝndirsǝydik Türklǝr vǝ Sǝudiyyǝ Әrǝbistanlılar ilǝ masaya otura bilǝrdik.

ABŞ-ın hava vǝ logistik dǝstǝk  tǝmin edǝrǝk, Türk vǝ Әrǝblǝrin qurudakı ǝmǝliyyatlarına dǝstǝk vermǝsinin mümkün ola bilǝcǝyini vurğulayan Bekır qeyd edib ki, Türkiyǝnin bu tǝklifi Suriya böhranını hǝll edǝ bilǝrdi.

Cemis Bekır bu layihǝnin hǝyata keçirilmǝsi halında terror tǝşkilatı DEAŞ-ın  Suriyada qarşısının alına bilǝcǝyinǝ dǝ diqqǝt çǝkǝrǝk bildirib ki, bǝlkǝ artıq çox gec, bǝlkǝ dǝ dǝyildir. Bunu hǝyata keçirǝcǝk bir koalisiya qurula bilǝr. Bunu daha öncǝ hǝyata keçirmǝliydik.

ABŞ-ın Orta Şǝrqdǝki rejim dǝyişikliklǝrindǝ dǝ sǝhv addımlar atdığını irǝli sürǝn Bekır ölkǝsi ilǝ Sǝudiyyǝ Әrǝbistanı arasındakı ǝlaqǝlǝrin  daha da inkişaf etdirilmǝsinin vacibliyini dǝ dilǝ gǝtirib.