"Dünya liderlǝri İstanbulda keçirilǝcǝk “Dünya Humanitar Yardım Sammiti”nǝ qatılsınlar"

BMT-nin Orta Şǝrq vǝ Şimali Afrikadakı humanitar yardım ofislǝrinin koordinatorları birgǝ açıqlama yayaraq, qlobal liderlǝrin hamısını İstanbulda keçirilǝcǝk “Dünya Humanitar Yardım Sammiti”nǝ qatılmağa çağırıb.

İraq, Suriya, İordaniya, Livan, Yǝmǝn, Fǝlǝstin vǝ Liviyadakı  humanitar yardım ofislǝrinin koordinatorları dünya liderlǝrindǝn bölgǝdǝ yaşanan problemlǝri birbaşa dinlǝmǝlǝrini vǝ güclü tǝdbirlǝr görmǝlǝrini istǝyib.

Açıqlamada vurğulanıb ki, liderlǝr öhdǝliklǝrini yerinǝ yetirsinlǝr vǝ bölgǝdǝ axıdılan qan vǝ yaşanan acılara son qoyulması üçün problemlǝrǝ siyasi hǝll yolu tapsınlar.

“Bölgǝdǝ 55 milyon insan humanitar yardıma möhtacdır” ifadǝsinin yer aldığı açıqlamada bu insanların iztirablarına  son qoyulması, insanlıq şǝrǝflǝrinin qorunması vǝ humanitar yardım çatdırılmasının hǝr kǝsin mǝsuliyyǝti olduğu dilǝ gǝtirilib.

Xatırladaq ki, 23-24 may tarixlǝrindǝ İstanbulda baş tutacaq “Dünya Humanitar Yardım Sammiti”nǝ üzv ölkǝlǝr, qeyri-hökumǝt tǝşkilatları, özǝl sektorların nümayǝndǝlǝri vǝ ictimai rǝy liderlǝrinin dǝ aralarında olduğu 6 minǝ yaxın tǝmsilçinin qatılacağı gözlǝnilir.