Makedoniyada müvəqqəti hökumət quruldu

Baş nazir Nikola Gruevskinin keçən həftə istefa etməsindən sonra iqtidar ilə müxalifət arasındakı müqavilə nəticəsində 24 apreldəki növbədənkənar ümummilli seçkilərə qədər ölkəni idarə edəcək müvəqqəti hökumət quruldu.

Daxili Makedon İnqilabçı Təşkilatı-Makedonyanın Milli Birliyi Demokratik Partiyasından (VMRO-DPMNE) Emil Dimitriyevin rəhbərliyi altında qurulan müvəqqəti hökumət parlamentdən 72 lehinə, 9 bitərəf səslə etimad aldı.

Daha sonra müvəqqəti hökumətin üzvləri and içmə mərasimi oldu.

Baş nazir Dimitriyev çıxışında baş nazirin mövqeyinin böyük məsuliyyət daşıdığını ifadə edərək, "Qarşımızdakı vəzifə ədalətli, demokratik, azad və səmərəli bir seçkilərin keçirilməsidir. Bunu da müvəffəqiyyətlə həyata keçirəcəyik" dedi.

Digər tərəfdən, müvəqqəti hökumətin tərkibinin müəyyən olunmasından əvvəl keçmiş Baş Nazir Nikola Gruevskinin istefası da parlamentdə qəbul olundu.

Müxalifətdəki Makedoniya Sosial Demokratlar Birliyindən (SDSM) olan deputat Qoran Sugarevski Gruevskinin seçkiləri saxtalaşdırmaq istəyini dəlil gətirərək partiyasının 24 apreldə növbədənkənar ümummilli seçkilərinə qatılmayacağınıbildirdi.

İclasda mövcud parlamentin buraxılması qərarı alındı.

Səs çoxluğu ilə qəbul edilən qərara görə, parlament 24 apreldə keçiriləcək seçkilərdən 60 gün əvvəl rəsmən ləğv ediləcək.