Kerri Fǝlǝstindǝki zorakılıq hadisǝlǝrinǝ dair narahatlığını dil

ABŞ Dövlǝt katibi Con Kerri İsrail Baş naziri Binyamin Netanyahu vǝ Fǝlǝstin Dövlǝt rǝhbǝri Mahmud Abbasla telefon ilǝ danışaraq son günlǝrdǝ Fǝlǝstindǝki zorakılıq hadisǝlǝrinǝ dair narahatlığını dilǝ gǝtirib.
ABŞ Dövlǝt Departamenti tǝrǝfindǝn verilǝn açıqlamada bildirilib ki, Kerri belǝ şiddǝt hadisǝlǝrini güclü şǝkildǝ qınamağın vǝ gǝrginliyin aradan qaldırılmasının daşdığı ǝhǝmiyyǝti vurğulayıb.
Açıqlamada qeyd edilib ki, istǝr söz istǝrsǝ ǝmǝliyyat ilǝ Qüdsdǝki mövcud status-kvonun qorunmasını vǝ gǝrginliyi dǝrinlǝştirǝcǝk tǝhrikedici açıqlamalardan imtina edilmǝsi ǝhǝmiyyǝtlidir.
Açıqlamada hǝmçinin Qüdsdǝki prosesi yaxından izlǝyǝcǝyini dilǝ gǝtirǝn Kerrinin ABŞ-ın bölgǝdǝ dincliyin tǝmin edilmǝsi barǝdǝki sǝylǝri davam etdirǝcǝyini tǝrǝflǝrǝ çatdırdığı ifadǝ edilib.
Qǝyd edǝk ki, İsrailin yǝhudilǝrin dini günlǝrinǝ görǝ fǝlǝstinlilǝrin Mǝscid-i Әqsaya girişinǝ bǝzi zamanlar tamamilǝ bǝzi dǝ qismi mane olması ilǝ sentyabr ayından bǝridir Qüds vǝ İordan çayının müxtǝlif şǝhǝrlǝrindǝ gǝrginlik yaşanır.
İsrail polisi keçǝn hǝftǝdǝn bǝridir Әqsaya 50 yaşından kiçik müsǝlman kişilǝrin girmǝsinǝ icazǝ vermir.
Bölgǝdǝ İsrail ǝsgǝrlǝri ilǝ fǝlǝstinlilǝr arasında baş verǝn qalmaqalda arabir can itkilǝri, yaralanma vǝ hǝsb edilmǝ halları qeydǝ alınır.